Bydd Cymru yn chwarae yn y STōK Cae Ras yn Wrecsam pan fydd tîm Rob Page yn wynebu Gibraltar ar ddydd Mercher 11 o Hydref (cic gyntaf 19:45).
Fe wnaeth tîm dynion Cymru chwarae yn Wrecsam yn 2019, pan wnaeth Ben Woodburn sgorio yn fuddugoliaeth 1-0 o flaen dorf lawn yn erbyn Trinidad a Tobago.
Y STōK Cae Ras yw’r stadiwm pêl-droed rhyngwladol hynaf yn y byd, ar ôl i Gymru chwarae yno am y tro gyntaf yn 1877. Mae’r stadiwm yng nghanol ddatblygiad gyda’r Kop yn cael ei ail-adeiladu i ddal 5,000 o gefnogwyr. Mae CBDC yn obeithiol bydd y datblygiadau newydd yn sicrhau fwy o gyfleoedd i groesawi bêl-droed rhyngwladol i Wrecsam ar draws ein holl dimau cenedlaethol, gan gynnwys yr ymgais i gynnal pencampwriaeth UEFA EURO D19 2026 fel rhan o ddathliadau’r Gymdeithas yn 150 blwydd oed.
“Mae’r gêm yn dangos bod gan CBDC ymrwymiad igynnal pêl-droed rhyngwladol yng ngogledd Cymru ar draws pob un o’n timau cenedlaethol”
Steve Williams – Llywydd CBDC
Dywedwyd Noel Mooney, Prif Weithredwr CBDC “Ni’n hynod o gyffrous bod pêl-droed rhyngwladol yn dychwelyd i’r gogledd ym mis Hydref. Mae aelodau’r Wal Goch yn yr ardal yn dangos ymroddiad enfawr wrth deithio’n aml i Stadiwm Dinas Caerdydd ar gyfer ein gemau rhagbrofol. Rwy’n obeithiol byddwn ni’n medru rhoi perfformiad campus ar gyfer y gêm yn erbyn Gibraltar.”
Dywedwyd Steve Williams, Llywydd CBDC “Fe ges i fy magu yn yr ardal ac rwy’n hynod o falch i weld Cymru yn dychwelyd i’r STōK Cae Ras unwaith eto. Mae’r gêm yn dangos bod gan CBDC ymrwymiad i gynnal pêl-droed rhyngwladol yng ngogledd Cymru ar draws pob un o’n timau cenedlaethol, a bod Wrecsam yn rhan allweddol o’n hymgais i gynnal pencampwriaeth UEFA EURO D19 2026 a fydd yn dathlu penblwydd 150 oed y Gymdeithas.”
Bydd gwybodaeth tocynnau yn cael ei gyhoeddi mor fuan â phosib.
